Նախագծված ամեն բան ունի Դիզայներ

Յուրաքանչյուր բջիջ միացված է ևս 10000 բջիջների: Սա նշանակում է, որ ընդհանուր առմամբ մենք ունենք մոտ 1000 տրիլիոն կապ մեր ուղեղում: Սրանք ի վերջո պատասխանատու են այն բանի համար, թե ով ենք մենք: Մեր ուղեղը վերահսկում է մեր կայացրած որոշումները, ինչպես ենք մենք շարժվում, ինչպես ենք զգում: Ուղեղի գործառույթները պահպանում են մարմնի բարդ օրգանների միմյանց հետ աշխատանքը ներդաշնակ և հավասարակշռված: Մարդու ուղեղն իսկապես ուշագրավ է:
 
Գլխուղեղի չորս մասերը տարբեր գործառույթներ ունեն։ Օրինակ՝ գլխուղեղի մեծ կիսագնդերը պատասխանատու են տրամաբանության, պլանավորման, զգացմունքների, խնդիրների լուծման և ընկալման համար: Ուղեղիկը պատասխանատու է հավասարակշռությունը, մկանային տոնուսը և քայլվածքը պահպանելու համար: Գլխուղեղի ցողունը յուրովի կարևոր է, քանի որ այն պատասխանատու է արյան ճնշման, շնչառության և սրտի զարկերի համար: Վերջապես, լիմբիկ համակարգը վերահսկում է քաղցը, ծարավը, հիշողությունը, վախը և զգացմունքները: Այս տարբեր գործընթացները պետք է միասին աշխատեն:
 
Այդպես է նաև մարդու ամբողջ մարմնի հետ կապված: Թոքերն ու սիրտը, նյարդերն ու մկանները բոլորն էլ կատարում են աներևակայելի բարդ առաջադրանքներ, որոնք կախված են ձեր ուղեղի կողմից ուղղորդված այլ անհավանական բարդ խնդիրներից: Զարմանալի չէ, որ սաղմոսերգուն եզրահանգեց, որ մարդկային մարմինը բարձրաձայն ու հստակ խոսում է հրաշալի Արարչի մասին՝
 
Աստվածաշունչն այսպես է ասում

          Գոհանում եմ Քեզնից, որովհետև ահավոր և զարմանալի կերպով ստեղծվեցի. զարմանալի են Քո գործերը, և իմ անձը լավ է հասկացել։
          

            ( Սաղմոս 139.14 )
 
Մեզ պետք չէ հեռու գնալ Աստծո «գործերը» գտնելու համար: Հենց մեր մարմիններում գտնվող վկայությունները ցույց են տալիս անսահման հմուտ Դիզայների մասին: Ո՞րն է մարդու մարմնի ձևավորման առավել ողջամիտ բացատրությունը՝
 
Աստվածաշունչն այսպես է ասում

          Եվ Աստված ասաց. «Մեր պատկերով ու մեր նմանությամբ մարդ արարենք, որպեսզի իշխի ծովի ձկների, երկնքի թռչունների, անասունների ու ամբողջ երկրի վրա և երկրի վրա սողացող բոլոր սողունների վրա»։ Եվ Աստված ստեղծեց մարդուն Իր պատկերով. Աստծու պատկերով ստեղծեց նրան. արու և էգ ստեղծեց նրանց։
          

            ( Ծննդոց 1.26,27 )
 
Առաջին տղամարդն ու կինը չէին կարող հենց այնպես առաջանալ: Աստվածաշունչը հաստատում է, որ Աստված մեզ ստեղծել է Իր պատկերով:

ՄԱՍ 2
 
Աստծո մասին ապացույցները չեն սահմանափակվում մեր մարմինների նախագծով. այն նաև բազում է երկնքում: Օգտագործելով NASA-ի Հաբլ տիեզերական աստղադիտակը, աստղագետներն այժմ կարող են ճշգրիտ չափել աստղերի հեռավորությունը մինչև 10000 լուսատարի հեռավորության վրա՝ 10 անգամ ավելի հեռու, քան նախկինում հնարավոր էր: 1990 թվականին գործարկված Հաբլ աստղադիտակը դեռևս արժեքավոր տվյալներ է ուղարկում: 2012 թվականի հունիս և հուլիս ամիսներին աստղագետները, օգտագործելով Հաբլ-ը, հայտնաբերեցին սառցե գաճաճ մոլորակի՝ Պլուտոնի շուրջը պտտվող հինգերորդ արբանյակը, որը նախկինում անհայտ էր:
 
Նայեք գիշերային աստղազարդ երկնքին: Կան միլիոնավոր աստղեր և գալակտիկաներ, որոնք բոլորն էլ շարժվում են անըմբռնելի արագությամբ, կատարյալ հավասարակշռված, կատարյալ համաժամանակացված տարածության մեջ, որոնք պտտվում են ուղեծրի մեջ ճիշտ ուղղությամբ ճիշտ ժամանակին։ Ո՞վ է կազմակերպում այս հրաշալի պարը: Միթե՞ այդ ամենը պարզապես տեղի է ունենում առանց դիզայնի կամ առաջնորդության: Զարմանալի չէ, որ սաղմոսերգուն եզրահանգեց, որ աստղերը խոսում են փառավոր Արարչի մասին՝
 
Աստվածաշունչն այսպես է ասում

          Երկինքը պատմում է Աստծու փառքը, և երկնքի հաստատությունը հռչակում է Նրա ձեռքի գործերը։ Օրեց օր խոսք է հաղորդում, և ամեն գիշեր գիտություն է ցույց տալիս։ Զրույց չկա, և խոսքեր չկան. լսելի չէ նրանց ձայնը, Բայց նրանց հնչյունը դուրս է գալիս ամեն երկիր, և նրանց խոսքը՝ մինչև աշխարհի ծայրերը...
          

            ( Սաղմոս 19.1-4)
 
Ի՞նչ կարող ենք ողջամտորեն եզրակացնել՝ նայելով տիեզերքի բարդ կառուցվածքին և հսկայական չափերին`
 

          Նա (Աստված) է ամեն ինչից առաջ, ու ամեն ինչ Նրանով է իր տեղում։
          

            ( Կողոսացիներ 1.17)
 
Ամբողջ ստեղծագործությունը համարձակորեն վկայում է. «Աստված նախագծեց. Աստված ստեղծեց»։ Ատոմում պրոտոնի և էլեկտրոնի կատարյալ հավասարակշռությունից մինչև Արեգակի շուրջ մոլորակների պտույտը, մենք ապացույցներ ենք գտնում վարպետորեն մշակված ծրագրի, վարպետորեն Մտածողի, Նախագծողի և անսահման Արարչի մասին:
 
Երբ մարդաբանը, փորելով Նյու Մեքսիկոյի հողերը, հանդիպում է որևէ նետի ծայրի, որին հատուկ ձև է տրված, նա անմիջապես եզրակացնում է, որ բնիկ ամերիկացին է ստեղծել այդ առարկան: Նա նույնիսկ կփորձի նշել նետի ծայրի ժամակագրությունը և որոշել այն ցեղը, որին այն պատկանում էր:
 
Ոչ մի մարդաբան երբեք չի պնդում, որ նետերի ծայրերն այնտեղ պատահաբար են հայտնվել: Ոչ ոք չի փորձել բացատրել, որ կայծակը կամ քամին կամ ջուրն է ձևավորել այդ առարկաները: Բոլորին միանգամայն ակնհայտ, որ դրանք մարդ է ստեղծել:
 
Այնուամենայնիվ, երբ շատ գիտնականներ հայտնաբերում են բրածոներ, որոնք վկայում են անցյալի կենդանի էակների մասին, նրանք բոլորովին այլ ենթադրություն են անում: Նրանք չեն տեսնում Արարչի ձեռքը. նրանք ենթադրում են, որ այս արարածները պետք է ստեղծվեին բնության կույր ուժերի կողմից և որ նրանք պարզապես բնականորեն զարգացել են:
 
Կենդանիների բրածոները, որոնք մենք հայտնաբերում ենք կամ թաղված են ամենախորը երկրաբանական շերտերում, ներկայացնում են անհամեմատելի ավելի բարդ արարածներ, քան ցանկացած նետի ծայրը: Ուրեմն ինչու չանել ակնհայտ եզրակացություն: Ինչ-որ մեկը պետք է ստեղծեր նրանց: Աստվածաշունչն առաջարկում է տրամաբանական պատասխան ծագման հետ կապված հարցերին՝
 
Աստվածաշունչն այսպես է ասում

          Սկզբում Աստված ստեղծեց երկինքն ու երկիրը։
          

            ( Ծննդոց 1.1 )
 
Այս պարզ բառերում՝ «Սկզբում Աստված», մենք գտնում ենք կյանքի առեղծվածի պատասխանը: Աստվածաշնչում արձանագրված առաջին ուսմունքը այն է, որ Աստված կա։ Իրականում, Աստվածաշնչի այս առաջին համարը մեզ պատմում է Նրա արարչագործական հզոր արարքի մասին: Դոկտոր Արթուր Քոմփթոնը՝ Նոբելյան մրցանակի դափնեկիր ֆիզիկայի ոլորտում, մեկնաբանելով Սուրբ Գրքի այս հատվածը, մի անգամ ասել է.
 
Դոկ. Արթուր Քոմփթոն
Ինձ համար հավատքը սկսվում է այն գիտակցումից, որ գերագույն բանականությունը ստեղծեց տիեզերքը և մարդուն: Ինձ համար դժվար չէ ունենալ այս հավատքը, քանի որ անվիճելի է, որ այնտեղ, որտեղ կա ծրագիր, կա բանականություն. կանոնակարգված, բացհայտվող տիեզերքը վկայում է երբևէ արտասանված ամենահոյակապ հայտարարության ճշմարտացիության մասին՝ «Սկզբում Աստված»:
 
«Սկզբում Աստված» բառերում մենք գտնում ենք ողջ գոյության հիմքը: Աստվածաշունչը չի փորձում ապացուցել Աստծուն, այն հայտարարում է Նրա գոյության մասին: Որ Աստված գոյություն ունի, ապացուցվում է մեր իսկ գոյությամբ և նաև այն բաների առկայությամբ, որոնք մենք տեսնում ենք մեր շուրջը: Յուրաքանչյուր հետևանք պետք է ունենա համապատասխան պատճառ: Այս աշխարհում դիզայն կա, հետևաբար պետք է լինի Դիզայներ: Մեզ շրջապատող բաներն աղաղակում են, որ Աստված նախագծել է, Աստված ստեղծել է, Աստված սնուցում է: Միայն Կյանքը կարող է կյանք ստեղծել: Տիեզերքի, այս աշխարհի և մարդկանց ծագման միակ հավանական պատասխանը, ըստ Աստվածաշնչի, Աստված է:

ՄԱՍ 3
 
Աստված, Ով նախագծել է աստղային երկինքները, Ով ստեղծել է տիեզերքը, անձնական հարաբերությունների մեջ է մտնում մարդկանց հետ: Յուրաքանչյուր անհատի մտքում և սրտում Աստված բացահայտել է Իր գոյության մասին գիտելիքը: Նա «ճշմարիտ լույսն էր, որը լուսավորում է ամեն մարդու» (Հովհաննես 1.9): Աստվածաշունչը պնդում է, որ մեր Արարիչը անձնական հարաբերություններ է փնտրում մեզ հետ։ Աբրահամը «Աստծո բարեկամ կոչվեց» (Հակոբոս 2.23): «Տերը Մովսեսի հետ խոսում էր դեմառդեմ, ինչպես մի մարդ կխոսեր իր բարեկամի հետ» (Ելք 33.11): Եվ Աստված անձնական հարաբերությունների մեջ կմտնի քեզ հետ և կդառնա քո Ընկերը: Հիսուսը խոստացավ Իրեն հետևողներին. «Դուք իմ բարեկամներն եք» (Հովհաննես 15.14):

Աստված բոլորիս մեջ դրել է Իր հետ շփվելու ցանկություն: Երբ մենք արձագանքում ենք մեր կարոտին և գտնում Աստծուն, ապա այլևս չի մնում կասկած Նրա գոյության և մեր կարիքի մասին: Քրիստոնյան հավատում է Աստծուն, քանի որ հանդիպել է Նրան և հայտնաբերել, որ Նա բավարարում է սրտի ամենախոր կարիքները: Աստված, Ում գոյությանը քրիստոնյաները ուրախությամբ հավատում են, մեզ տալիս է նոր հեռանկարներ, նոր իմաստ, նոր շարժառիթներ, նոր նպատակներ և նոր ուրախություններ:
 
Աստված չի խոստանում անախորժություններից և կոնֆլիկտներից զերծ կյանք, բայց Նա վստահեցնում է մեզ, որ Նա կառաջնորդի և կաջակցի մեզ, եթե մենք անձնական հարաբերություններ հաստատենք Նրա հետ: Միլիոնավոր քրիստոնյաներ կվկայեն, որ ավելի լավ է զրկվեն ամեն ինչից, քան թե վերադառնան առանց Աստծո կյանքի: Սա մեծագույն հրաշքն է, որ Ամենակարող Աստվածը, Ով ստեղծել է բոլոր արարածներին, Ով ստեղծել և պահպանում է համաստեղությունները, ցանկանում է անձնական հարաբերություններ ունենալ յուրաքանչյուր մարդու հետ: Դավիթը զարմացած էր այս ամենով, երբ գրեց.
 
Աստվածաշունչն այսպես է ասում

          Երբ որ տեսնում եմ քո երկինքը, քո մատների գործը՝ լուսինն ու աստղերը, որ Դու հաստատեցիր, Էլ ի՞նչ է մարդը, որ Դու հիշում ես նրան, և մարդու որդին, որ խնամք ես տանում նրա նկատմամբ։
          

            ( Սաղմոս 8.3,4 )
 
Մեր Արարիչը «ուշադիր» է մեզանից յուրաքանչյուրի հանդեպ։ Նա այնպիսի անձնական հետաքրքրություն է ցուցաբերում ձեր հանդեպ, կարծես թե դուք միակ էակը լինեք, ում Նա ստեղծել է: Նա ասում է՝
 

          Հավիտենական սիրով եմ սիրել քեզ, դրա համար ողորմությամբ քեզ դեպի Ինձ քաշեցի։
          

            ( Երեմիա 31.3 )

Այժմ, միանգամայն խելամիտ է, որ անձնական Աստվածը ցանկանում է Իրեն բացահայտել Իր ստեղծած էակներին ճիշտ այնպես, ինչպես հայրն է ցանկանում, որ իր երեխաները ճանաչեն իրեն: Եվ Աստված մեզ բացահայտվում է Աստվածաշնչում:
Այսպիսով մենք իմացանք, որ Աստված ստեղծեց մարդուն Իր պատկերի պես։ Նա ստեղծեց մեզ, որպեսզի անձնական փոխհարաբերության մեջ մտնենք Նրա հետ։ Մտածելու և զգալու, հիշելու և հուսալու, խորհելու և վերլուծելու մեր կարողությունները բխում են Նրանից: Ո՞րն է Աստծո գերիշխող հատկանիշը՝ «Աստված սեր է» (Ա Հովհաննես 4.8): Աստված շփվում է մեզ հետ Իր սիրուց ելնելով: Չկա ոչինչ, որ Նա արել է կամ երբևէ կանի, որը դրդված չէ անձնուրաց, անշահախնդիր սիրուց:
 
Իմ աղոթքը
 
Եթե նախկինում երբեք չես աղոթել, հոգ չէ: Սկզբի համար ահա մի կարճ աղոթք, որը կարող ես վերափոխել կամ ավելացնել քո սրտից բխող բառերը։ Կարող ես աղոթել կամ բարձրաձայն կամ լուռ քո մտքում։ Փորձիր աղոթելիս Աստծո հետ խոսել այնպես, ինչպես կխոսեիր քո լավագույն ընկերոջ հետ՝ ասելով այն, ինչ քո սրտում է:
 
Հա՛յր, շնորհակալ եմ Քեզ, որ ստեղծել ես այս աշխարհը, որպեսզի այն վայելեմ։ Շնորհակալ եմ որ ստեղծեցիր ինձ և Քո անսահման սիրով առաջնորդում ես իմ կյանքը: Խնդրում եմ լրացրու իմ կարիքները և ուղեկցիր ինձ Աստվածաշունչը կարդալիս։ Խնդրում եմ Հիսուս անունով, ամեն։