Հին Կտակարան

Նոր Կտակարան
Պատճենել

Տասը ցեղը ապստամբվում է և Յերոբովամին թագաւոր շինում։ Յերոբովամի կուռ…

Տասը ցեղը ապստամբվում է և Յերոբովամին թագաւոր շինում։ Յերոբովամի կուռքեր շինելը և պաշտելը։

1Եւ * Ռոբովամը գնաց * Սիւքէմ, որովհետեւ բոլոր Իսրայէլը գնացել էր Սիւքէմ նորան թագաւոր անելու համար։ 2Եւ եղաւ երբոր * Նափատեան Յերոբովամը, որ Սողոմոն թագաւորի երեսից փախել էր եւ տակաւին * Եգիպտոսումն էր, (որովհետեւ Յերոբովամը Եգիպտոսումն էր,) այս լսեց, 3Եւ մարդ ուղարկեցին ու նորան կանչեցին, եւ եկան Յերոբովամը եւ Իսրայէլի բոլոր ժողովքը եւ խօսեցին Ռոբովամի հետ ասելով. 4* Հայրդ մեր լուծը ծանրացրել էր. Բայց դու հիմա թեթեւացրու քո հօր խիստ ծառայութիւնը եւ նորա վերայ դրած ծանր լուծը, այն ժամանակ քեզ ծառայութիւն կþանենք։ 5Եւ նա նորանց ասեց. Գնացէք եւ երեք օրից յետոյ դարձեալ ինձ մօտ եկէք, եւ ժողովուրդը գնաց։

6Եւ Ռոբովամ թագաւորը խորհուրդ արաւ այն ծերերի հետ, որ * կանգնում էին նորա հայր Սողոմոնի առաջին նորա կենդանութեանը, եւ ասեց. Դուք ինձ ի՞նչպէս էք խորհուրդ տալիս, որ ես այս ժողովրդին պատասխան տամ։ 7Եւ նորանք ասեցին նորան այս խօսքը. * Եթէ դու այսօր այս ժողովրդին ծառայ լինես եւ նորանց ծառայես, եւ նորանց պատասխան տաս ու նորանց քաղցր խօսքեր ասես, այն ժամանակ նորանք միշտ քո ծառաները կþլինեն։ 8Իսկ նա մերժեց ծերերի խրատը որ նորան տուին. Եւ խորհուրդ հարցրեց այն երիտասարդներից, որ իր հետ էին մեծացել եւ նորա առաջին կանգնած էին։ 9Եւ ասեց նորանց. Դո՞ւք ինչ խորհուրդ էք տալիս որ այս ժողովրդին պատասխան տամ, որ ինձ հետ խօսեցին ասելով թէ Այն լուծը թեթեւացրու որ քո հայրը մեզ վերայ է դրել։ 10Եւ նորա հետ մեծացած երիտասարդները խօսեցին նորա հետ ասելով. Այսպէս ասիր այն ժողովրդին, որ քեզ հետ խօսել են ասելով. Քո հայրը մեր լուծը ծանրացրել էր, իսկ դու թեթեւացրու մեր վերայից. Այսպէս խօսիր նորանց հետ. Իմ ճկոյթը հաստ է իմ հօր մէջքիցը. 11Եւ արդ իմ հայրը ձեզ վերայ ծանր լուծ է դրել, բայց ես աւելացնելու եմ ձեր լուծի վերայ. Իմ հայրը ձեզ խարազաններով էր խրատում, բայց ես ձեզ կարիճներով եմ խրատելու։

12Եւ Յերոբովամն ու բոլոր ժողովուրդը եկան Ռոբովամի մօտ երրորդ օրը, ինչպէս որ թագաւորը խօսել էր ասելով. Երրորդ օրը դարձեալ ինձ մօտ եկէք։ 13Եւ թագաւորը խիստ պատասխանեց ժողովրդին, եւ մերժեց ծերերի խորհուրդը, որ տուել էին իրան։ 14Եւ նորանց հետ խօսեց այն երիտասարդների խորհրդի պէս ասելով. Իմ հայրը ձեր լուծը ծանրացրել էր, բայց ես աւելացնելու եմ ձեր լուծի վերայ. Իմ հայրը ձեզ խարազաններով էր խրատում, բայց ես ձեզ կարիճներով եմ խրատելու։ 15Եւ թագաւորը ժողովրդին չþլսեց, որովհետեւ * Տիրոջ կողմից այսպէս էր դարձուած, որպէս զի հաստատէ իր այն խօսքը որ Տէրն ասել էր * Սիլօնացի Աքիայի ձեռովը Նաբատեան Յերոբովամին։ 16Եւ երբոր բոլոր Իսրայէլը տեսաւ, որ թագաւորը նորանց չþլսեց, այն ժամանակ ժողովուրդը պատասխանեց թագաւորին ասելով. * Մենք ի՞նչ բաժին ունենք Դաւիթի մօտ. Եւ Յեսսէի որդիի մօտ ժառանգութիւն չþունենք. Քո վրանները գնա, ով Իսրայէլ. Հիմա դու հոգա քո տունը, ով Դաւիթ. Եւ Իսրայէլը գնաց իր վրանները։ 17Եւ Իսրայէլի որդկանց վերայ որ բնակվում էին * Յուդայի քաղաքներումը, թագաւոր եղաւ Ռոբովամը։ 18Եւ Ռոբովամ թագաւորը * հարկերի տեսուչ Ադորամին ուղարկեց, բայց բոլոր Իսրայէլը նորան քարկոծեցին քարերով, եւ նա մեռաւ. Եւ Ռոբովամ թագաւորը շտապեց, որ կառքը հեծնէ եւ փախչէ Երուսաղէմ։ 19Այսպէս * Իսրայէլը ապստամբուեց Դաւիթի տանիցը մինչեւ այսօր։

20Եւ երբոր լսեց բոլոր Իսրայէլը, որ Յերոբովամը ետ է դառել, այն ժամանակ մարդ ուղարկեցին եւ նորան կանչեցին ժողովքը ու նորան թագաւոր արին բոլոր Իսրայէլի վերայ, եւ Դաւիթի տան հետեւող չþկար * բացի մէկ Յուդայի ցեղը։ 21Եւ * Ռոբովամն եկաւ Երուսաղէմ եւ ժողովեց բոլոր Յուդայի տունը եւ Բենիամինի ցեղը՝ հարիւր ութսուն հազար ընտիր պատերազմողներ, որ Իսրայէլի տան հետ պատերազմէ, թագաւորութիւնը Սողոմոնի որդի Ռոբովամին դարձնելու համար։

22Եւ * Աստուծոյ խօսքը եղաւ Աստուծոյ մարդ Սեմայիային ասելով. 23Ասիր Յուդայի թագաւոր Սողոմոնեան Ռոբովամին եւ բոլոր Յուդայի եւ Բենիամինի տանը եւ ժողովրդի մնացորդին ասելով. 24Այսպէս է ասում Տէրը. Վեր մի գնաք եւ պատերազմ մի անէք ձեր եղբայրների՝ Իսրայէլի որդկանց հետ. Ետ դառէք ամեն մարդ իր տունը. Որովհետեւ ինձանից է եղած այս բանը։ Եւ նորանք լսեցին Տիրոջ խօսքին եւ ետ դառան գնացին Տիրոջ խօսքի համեմատ։

25Եւ Յերոբովամը Եփրեմի սարի վերայ շինեց * Սիւքէմը եւ բնակուեց այնտեղ. Եւ այնտեղից դուրս եկաւ ու շինեց * Փանուէլը։ 26Եւ Յերոբովամն ասեց իր սրտումը. Հիմա պիտի թագաւորութիւնը ետ դառնայ Դաւիթի տանը։ 27Եթէ այս ժողովուրդը * վեր գնայ Երուսաղէմ Տիրոջ տանը զոհ մատուցանելու համար, այն ժամանակ այս ժողովրդի սիրտը պիտի դառնայ դէպի իրանց տէրը՝ Յուդայի թագաւոր Ռոբովամը, եւ ինձ պիտի սպանեն ու ետ դառնան Յուդայի թագաւոր Ռոբովամին։ 28Եւ թագաւորը խորհուրդ արաւ, եւ * երկու ոսկի որթ շինեց եւ ասեց նորանց. Բաւական է ձեզ Երուսաղէմ գնալը. * ահա քո աստուածները, ով Իսրայէլ, որ քեզ վեր հանեցին Եգիպտոսի երկրիցը։ 29Եւ մէկը դրաւ * Բեթէլ եւ մէկը դրաւ * Դան։ 30Եւ այս բանը * մեղքի պատճառ դառաւ, եւ ժողովուրդը գնում էր մէկի առաջը մինչեւ Դան։ 31Նաեւ շինեց * բարձրաւանդակների տունը, եւ * քահանաներ շինեց ժողովրդի * այն մասերից՝՝ որ Ղեւիի որդիներից չէին։

32Եւ Յերոբովամը տօն կատարեց ութերորդ ամսի տասնեւհինգին * Յուդայումն եղող տօնի պէս, եւ վեր ելաւ սեղանը այսպէս արաւ Բեթէլումը, որ զոհէ իր շինած որթերին. Եւ բեթէլումը դրաւ * իր շինած բարձրաւանդակների քահանաները։ 33Եւ վեր ելաւ իր Բեթէլում շինած սեղանի վերայ, * իր մտքի հնարած ամսի այսինքն ութերորդ ամսի տասնեւհինգին, եւ տօն սահմանեց Իսրայէլի որդկանց համար, եւ վեր ելաւ սեղանի վերայ եւ * խունկ ծխեց։

*12.1 բ Մն. ժ. 1-11։

*12.1 Յես. ժէ. 7։

*12.2 Գլ. ժա. 26։

*12.2 Գլ. ժա. 40։

*12.4 Գլ. դ. 7։

*12.6 Գլ. ժ. 5։

*12.7 բ Մն. ժ. 7։ Առակ. ժե. 1։

*12.15 Տես Յես. ժա. 20։ բ Մն. ժ. 15։ իբ. 7։ իե. 20։

*12.15 Գլ. ժա. 11, 31։

*12.16 բ Թագ. ի. 1։

*12.17 Գլ. ժա. 13, 36։

*12.18 Գլ. դ. 6։ ե. 14։

*12.19 դ Թագ. ժէ. 21։

*12.20 Գլ. ժա. 13, 32, 36։

*12.21 բ Մն. ժա. 1։

*12.22 բ Մն. ժա. 2։ ժբ. 5, 7, 15։

*12.25 Տես Դատ. թ. 45։

*12.25 Դատ. ը. 17։

*12.27 բ Օր. ժբ. 5, 6։

*12.28 դ Թագ. ժ. 29։ ժէ. 16։ բ Մն. ժա. 15։ ժգ. 8։ Ովս. ը. 5, 6։ ժ. 5։ ժգ. 2։ Տես Գլ. ժդ. 9։

*12.28 Ել. լբ. 4, 8։

*12.29 Ծն. իը. 19։ Ովս. դ. 15։

*12.29 Դատ. ժը. 29։

*12.30 Գլ. ժգ. 34։ դ Թագ. ժէ. 21։

*12.31 Գլ. ժգ. 32։

*12.31 Թու. գ. 10։

*12.31 Կամ՝ ստորին մարդկանցից

*12.32 Ղև. իգ. 33, 34։

*12.32 Ամով. է. 13։

*12.33 Թու. ժե. 39։

*12.33 Գլ. ժգ. 1։