Հին Կտակարան
Նոր Կտակարան
Գովասանք Աստուծոյ իր Իսրայէլին արած բարութիւնների համար։ 1* Գ…
Գովասանք Աստուծոյ իր Իսրայէլին արած բարութիւնների համար։
1* Գոհացէք Տէրիցը, կանչեցէք նորա անունը. * պատմեցէք ազգերի մէջ նորա գործերը։
2Օրհնեցէք նորան. Սաղմոս ասեցէք նորան. * խօսեցէք նորա ամեն հրաշքները։
3Պարծենցէք նորա սուրբ անունովը. Ուրախ լինի Տիրոջը խնդրողների սիրտը։
4* Խնդրեցէք Տիրոջը եւ նորա զօրութիւնը. Խնդրեցէք նորա երեսը ամեն ժամանակ։
5* Յիշեցէք նորա հրաշքները որ արաւ. Նորա նշանները եւ նորա բերանի իրաւունքը։
6Ով նորա Աբրահամ ծառայի զաւակները, նորա ընտրեալ Յակոբի որդիքը։
7Ինքը Եհովան է մեր Աստուածը. * նորա իրաւունքներն ամեն երկրի մէջ են։
8* Նա յիշում է յաւիտեան իր ուխտը. Այն խօսքը որ պատուիրեց մինչեւ հազար ազգ.
9* Այն որ Աբրահամի հետ դրաւ. Եւ իր երդումը՝ Իսահակի հետ։
10Եւ հաստատեց, որ Յակոբի համար օրէնք եւ Իսրայէլի համար յաւիտենական ուխտ լինի.
11Ասելով. * Քեզ կþտամ Քանանի երկիրը, որ ձեզ ժառանգութեան երկիր լինի.
12* Երբ նորանք սակաւաթիւ էին, քիչ եւ * պանդուխտ՝ նորանում.
13Եւ ազգից ազգ էին գնում, թագաւորութիւնից՝ ուրիշ ժողովրդի մէջ։
14* Նա թոյլ չþտուաւ մարդկանց որ նեղացնեն նորանց. Եւ * թագաւորներ պատժեց նորանց համար.
15Մի դպչիք իմ օծեալներին, եւ իմ մարգարէներին չար մի անէք։
16Եւ * սով կանչեց երկրի վերայ, եւ * հացի ամեն զօրութիւնը կոտրեց։
17* Նորանց առաջից մարդ ուղարկեց. Յովսէփը * ծառայութեան մէջ ծախուեցաւ։
18* Չարչարեցին նորա ոտները կապանքի մէջ. Նորա անձը երկաթի մէջ մտաւ։
19Մինչեւ այն ժամանակ որ նորա խօսքն եկաւ. * Տիրոջ խօսքը փորձեց նորան։
20* Թագաւորն ուղարկեց եւ արձակեց նորան. Նա որ տիրապետում էր ժողովուրդներին՝ ազատեց նորան։
21* Նա տէր դրաւ նորան իր տան վերայ, եւ իշխան իր ամեն ստացուածքի վերայ.
22Որ իշխաններին կապէ իր կամքի պէս, եւ ծերերին իմաստուն անէ։
23* Եւ Իսրայէլն եկաւ Եգիպտոս. Եւ Յակոբը պանդուխտ եղաւ * Քամի երկրումը։
24* Եւ նա խիստ շատացրեց իր ժողովուրդը, եւ նորան զօրեղացրեց իր թշնամիներիցը։
25* Փոխեց նորանց սիրտերը, որ ատեն իր ժողովուրդը, որ նենգութիւն անեն իր ծառաների դէմ։
26* Իր ծառայ Մովսէսին ուղարկեց, * Ահարօնին՝ որ ընտրել էր։
27* Նորանք ցոյց տուին նորանց մէջ նորա նշանների գործերը, * եւ հրաշքներ Քամի երկրումը։
28* Խաւար ուղարկեց եւ խաւարեցրեց, եւ * նորա խօսքին չþհակառակուեցան։
29* Նորանց ջուրերը փոխեց արիւն, եւ նորանց ձկներն սպանեց։
30* Նորանց երկիրը գորտեր դուրս տուաւ, թագաւորի ներսի սենեակներումն էլ։
31* Ասեց՝ եւ շանաճանճն եկաւ. Մժեղներն էլ՝ նորանց բոլոր սահմանների մէջ։
32* Անձրեւի տեղ կարկուտ տուաւ նորանց, եւ կրակի բոց՝ նորանց երկրումը։
33* Նորանց որթերն ու թզենիները զարկեց, եւ նորանց սահմանների ծառերը փշրեց։
34* Ասեց՝ եւ մարախն ու թրթուրն եկաւ, որ թիւ չþկար.
35Որ կերաւ բոլոր խոտը նորանց երկրումը. Եւ նորանց արտերի պտուղը կերաւ։
36* Եւ զարկեց նորանց երկրումն ամեն անդրանիկներին՝ եւ * նորանց զօրութեան ամեն առջիններին։
37Եւ * նորանց հանեց արծաթով եւ ոսկիով, եւ նորանց ցեղերումը տկար մարդ չþկար։
38* Եգիպտոսն ուրախացաւ նորանց դուրս գալու վերայ, որ սորանց սարսափն ընկել էր նորանց վերայ։
39* Ամպ տարածեց որ հովանի լինի, եւ կրակ՝ որ գիշերը լոյս տայ։
40* Խնդրեցին եւ նա լորամարգիներ բերաւ. Եւ * երկնքի հացով կշտացրեց նորանց։
41* Վէմը պատառեց եւ ջուրեր բղխեցին. Գետեր գնացին անջուր տեղերումը։
42Որովհետեւ * նա յիշեց իր սուրբ խօսքը, եւ իր Աբրահամ ծառային։
43Եւ հանեց իր ժողովրդին ցնծումով, եւ իր ընտրեալներին ուրախութիւնով։
44* Եւ հեթանոսների երկիրները տուաւ նորանց, եւ ազգերի վաստակները ժառանգեցին նորանք.
45* Որ նորա պատուիրանքները պահեն եւ նորա օրէնքները կատարեն։ Ալէլուիա։
*105.1 ա Մն. ժզ. 8-22։ Ես. ժբ. 4։
*105.1 Սաղ. ճխե. 4, 5, 11։
*105.2 Սաղ. ճժթ. 27։
*105.4 Սաղ. իէ. 8։
*105.5 Սաղ. հէ. 11։
*105.7 Ես. իզ. 9։
*105.8 Ղուկ. ա. 72։
*105.9 Ծն. ժէ. 2։ իբ. 16 ևլն։ իզ. 3։ իը. 13։ լե. 11։ Ղուկ. ա. 73։ Եբր. զ. 17։
*105.11 Ծն. ժգ. 15։ ժե. 18։
*105.12 Ծն. լդ. 30։ բ Օր. է. 7։ իզ. 5։
*105.12 Եբր. ժա. 9։
*105.14 Ծն. լե. 5։
*105.14 Ծն. ժբ. 17։ ի. 3, 7։
*105.16 Ծն. խա. 54։
*105.16 Ղև. իզ. 26։ Ես. գ. 1։ Եզեկ. դ. 16։
*105.17 Ծն. խե. 5։ ծ. 20։
*105.17 Ծն. լէ. 28, 36։
*105.18 Ծն. լթ. 20։ խ. 15։
*105.19 Ծն. խա. 25։
*105.20 Ծն. խա. 14։
*105.21 Ծն. խա. 40։
*105.23 Ծն. խզ. 6։
*105.23 Սաղ. հը. 51։ ճզ. 22։
*105.24 Ել. ա. 7։
*105.25 Ել. ա. 8 ևլն։
*105.26 Ել. գ. 10։ դ. 12, 14։
*105.26 Թու. ժզ. 5։ ժէ. 5։
*105.27 Ել. է. ը. թ. ժ. ժա. ժբ։ Սաղ. հը. 43 ևլն։
*105.27 Սաղ. ճզ. 22։
*105.28 Ել. ժ. 22։
*105.28 Սաղ. ղթ. 7։
*105.29 Ել. է. 20։ Սաղ. հը. 44։
*105.30 Ել. ը. 6։ Սաղ. հը. 45։
*105.31 Ել. ը. 17, 24։ Սաղ. հը. 45։
*105.32 Ել. թ. 23, 25։ Սաղ. հը. 48։
*105.33 Սաղ. հը. 47։
*105.34 Ել. ժ. 4, 13, 14։ Սաղ. հը. 46։
*105.36 Ել. ժբ. 29։ Սաղ. հը. 51։
*105.36 Ծն. խթ. 3։
*105.37 Ել. ժբ. 35։
*105.38 Ել. ժբ. 33։
*105.39 Ել. ժգ. 21։ Նէեմ. թ. 12։
*105.40 Ել. ժզ. 12 ևլն։ Սաղ. հը. 18, 27։
*105.40 Սաղ. հը. 24, 25։
*105.41 Ել. ժէ. 6։ Թու. ի. 11։ Սաղ. հը. 15, 16։ ա Կոր. ժ. 4։
*105.42 Ծն. ժե. 14։
*105.44 բ Օր. զ. 10, 11։ Յես. ժգ. 7 ևլն։ Սաղ. հը. 55։
*105.45 բ Օր. դ. 1, 40։ զ. 21-25։