Հին Կտակարան
Նոր Կտակարան
Շնորհքի հոգիի թափուիլը։ Կռապաշտութեան յիմարութիւնը։ իսրայէլը շնորհք և…
Շնորհքի հոգիի թափուիլը։ Կռապաշտութեան յիմարութիւնը։ իսրայէլը շնորհք և փրկութիւն է գտնում։
1Եւ հիմա ականջ դիր, * ով իմ ծառայ Յակոբ, եւ ով Իսրայէլ, որին ես հաւանել եմ։ 2Այսպէս է ասում Եհովան՝ քեզ Ստեղծողը, քեզ * արգանդից կազմողը, որ քեզ օգնում է. Մի վախենար, ով իմ ծառայ Յակոբ, եւ ով * * Յեսուրուն, որին ես հաւանել եմ։ 3Որովհետեւ * ջուր պիտի թափեմ ծարաւի վերայ, եւ հեղեղներ՝ չորութեան վերայ, ես պիտի թափեմ իմ հոգին քո սերունդի վերայ, եւ իմ օրհնութիւնը՝ քո զաւակների վերայ։ 4Եւ նորանք պիտի ծլեն խոտերի մէջ, ինչպէս ուռիները ջրերի վտակների մօտ։ 5Սա պիտի ասէ. Ես Տիրոջն եմ. Նա պիտի Յակոբի անունովը կոչուի, եւ միւսը իր ձեռքովը պիտի գրէ. Տիրոջն եմ ես. Եւ Իսրայէլի անունովը պիտի մականուանուի։
6Այսպէս է ասում Տէրը՝ Իսրայէլի Թագաւորը, եւ * նորա Փրկիչը՝ Զօրաց Տէրը. * Ես եմ առաջինը, եւ ես եմ վերջինը. Եւ ինձանից ջոկ Աստուած չþկայ։ 7Եւ * ո՞վ կայ ինձ նման որ կանչէ, թող իմացնէ եւ կարգադրէ ինձ համար, իմ յաւիտենական ժողովուրդ շինելուց հետէ. Թող ապագայ բաները, որ կատարուելու են, իմացնեն մեզ։ 8Մի զարհուրիք եւ մի վեհերիք. * չէ՞ որ ես քեզ վաղուց լուր տուի, եւ ասեցի թէ * Դուք իմ վկաներն էք. Մի՞թէ ինձանից ջոկ Աստուած կայ. Եւ * մէկ վէմ չþկայ. Ես չþգիտեմ։ 9* Կուռք շինողների ամենքն էլ ունայնութիւն են, եւ նորանց ցանկալիքը անպիտան են. Եւ իրանց վկաներն իրանք են. Նորանք * չեն տեսնում եւ չեն իմանում, որ ամաչեն։ 10Ո՞վ է որ աստուած է շինում, եւ կուռք է ձուլում, * որ անպիտան է։ 11Ահա նորա բոլոր ընկերները * պիտի ամաչեն, եւ նորա արուեստաւորներն իրանց մարդկանցից են. Թող ժողովուին ամենքը կանգնեն, նորանք պիտի սարսափեն՝ ամաչեն միասին։ 12* Երկաթագործը ածուխով շինում է տապարը, եւ կռաններով ձեւակերպում է * նորան, եւ իր զօրաւոր բազուկովը շինում է նորան. Նա սովածանում էլ է, եւ ոյժը թուլանում, նա ջուր չէ խմում եւ նուաղում է։ 13Փայտագործը քաշում է լարը եւ մատիտով գծագրում է նորան, նորան շինում է դուրով եւ գծագրում կարկինով, եւ նորան մարդի կերպարանքի պէս շինում, մարդի գեղեցկութեան նման, որ տանը բնակուէ։ 14Մէկն իրան համար կտրում է եղեւիններ, եւ առնում է թեղօշ ու կաղնի, եւ ընտրում է իրան համար անտառի փայտերիցը, նա տնկում է սոճին, եւ անձրեւը աճեցնում է։ 15Եւ նա մարդիս համար վառելիք է լինում. Եւ նա առնում է նորանցից եւ տաքանում, նաեւ վառում է եւ հաց թխում, աստուած էլ է շինում նորանից եւ երկրպագում նորան. Նա կուռք է շինում նորանից եւ նորան պաշտում։ 16Նորա կէսը նա այրեց կրակով, նորա կէսի վերայ էլ միս եփեց կերաւ, խորոված խորովեց ու կշտացաւ, տաքանում էլ է եւ ասում. Ահա՜, տաքացայ, կրակը տեսայ։ 17Եւ նորա մնացածն իրան կուռք աստուած է շինում, նորան պաշտում, նորան երկրպագում, եւ նորան աղօթք անում եւ ասում. Փրկիր ինձ, որովհետեւ դու ես իմ աստուածը։ 18* Նորանք չեն իմանում եւ չեն հասկանում, որովհետեւ * ծեփուած են նորանց աչքերը որ չþտեսնեն, եւ նորանց սրտերը՝ որ չþիմանան։ 19Եւ * նա միտք չէ անում, եւ գիտութիւն չþունի ու հասկացողութիւն չþունի, որ ասէ. Նորա կէսը ես այրեցի կրակով, եւ նորա կայծերի վերայ հաց էլ թխեցի, միս խորովեցի ու կերայ, եւ մնացածը գարշելի բան շինե՞մ, եւ փայտի կոճը պաշտե՞մ։ 20Նա փոշիի ետեւից է ընկած, * նորա խաբուած սիրտը մոլորեցրել է նորան, եւ նա չէ կարողանում իր հոգին ազատել, եւ չէ ասում թէ մոլորութիւն չէ՞ իմ աջ ձեռքինը։ 21Յիշիր այս, ով Յակոբ, եւ դու, ով Իսրայէլ, * որովհետեւ դու իմ ծառան ես. Ես քեզ ստեղծեցի, դու իմ ծառան ես, ով իսրայէլ, դու ինձանից չես մոռացուած։ 22* Ես մէգի պէս ջնջել եմ քո յանցանքները, եւ ամպի պէս՝ քո մեղքերը. Դարձիր դէպի ինձ, որովհետեւ ես * քեզ փրկել եմ։
23* Ցնծացէք, ով երկինք, որովհետեւ Տէրն է արել. Ցնծալով աղաղակեցէք, ով երկրի խորքերը. Ուրախալից ձայներ հանեցէք, ով սարեր, ով անտառ եւ բոլոր նորա միջի ծառեր. Որովհետեւ Տէրը փրկել է յակոբին, եւ նա Իսրայէլի մէջ փառաւորուած է։
24Այսպէս է ասում Տէրը՝ * քո Փրկիչը, * քեզ արգանդից Ստեղծողը, ես եմ Եհովան, ամեն բանը անողը, * երկինքը մինակ տարածողը ես եմ, ես ինքս ինձանից երկիրը ընդարձակեցի. 25Որ * ստախօսների նշանները * փչացնում են, եւ գուշակողներին յիմարացնում, որ իմաստուններին ետ եմ դարձնում, եւ * նորանց գիտութիւնը յիմարացնում, 26* Որ հաստատում եմ իմ ծառայի խօսքը, եւ իմ դեսպանների խորհուրդը կատարում, որ ասում եմ Երուսաղէմին թէ Պիտի բնակուիս, եւ յուդայի քաղաքներին՝ թէ Պիտի շինուիք. Եւ կանգնեցնում եմ նորա աւերակները. 27* Որ ասում եմ յորձանքին՝ Չորացիր. Եւ ցամաքեցնում եմ քո գետերը. 28Որ ասում եմ Կիւրոսին թէ Իմ հովիւն ես. Եւ իմ բոլոր կամքը նա պիտի կատարէ, եւ պիտի ասէ Երուսաղէմին թէ * Շինուիր, եւ տաճարին թէ Հիմնուիր։
*44.1 Հմր. 21։ Գլ. խա. 8։ խգ. 1։ Երեմ. լ. 10։ խզ. 27, 28։
*44.2 Գլ. խգ. 1, 7։
*44.2 Այսինքն՝ Իսրայէլ
*44.2 բ Օր. լբ. 15։
*44.3 Գլ. լե. 7։ Յովել. բ. 28։ Յովհ. է. 38։ Գոր. բ. 18։
*44.6 Հմր. 24։ Գլ. խգ. 1, 14։
*44.6 Գլ. խա. 4։ խը. 12։ Յայտ. ա. 8, 17։ իբ. 13։
*44.7 Գլ. խա. 4, 22։ խե. 21։
*44.8 Գլ. խա. 22։
*44.8 Գլ. խգ. 10, 12։
*44.8 բ Օր. գ. 35, 39։ լբ. 39։ ա Թագ. բ. 2։ բ Թագ. իբ. 32։ Գլ. խե. 5։
*44.9 Գլ. խա. 24, 29։
*44.9 Սաղ. ճժե. 4 ևլն։
*44.10 Երեմ. ժ. 5։ Ամբ. բ. 18։
*44.11 Սաղ. ղէ. 7։ Գլ. ա. 29։ խբ. 17։ խե. 16։
*44.12 Գլ. խ. 19։ խա. 6։ Երեմ. ժ. 3 ևլն։
*44.12 Այսինքն՝ կուռքը. տես հմր. 10։
*44.18 Գլ. խե. 20։
*44.18 բ Թես. բ. 10։
*44.19 Գլ. խզ. 8։
*44.20 Ովս. դ. 12։ Հռովմ. ա. 21։ բ Թես. բ. 10։
*44.21 Հմր. 1, 2։
*44.22 Գլ. խգ. 25։
*44.22 Գլ. խգ. 1։ խը. 20։ ա Կոր. զ. 20։ ա Պետ. ա. 18, 19։
*44.23 Սաղ. կթ. 34։ ղզ. 11, 12։ Գլ. խբ. 10։ խթ. 13։ Երեմ. ծա. 48։ Յայտ. ժը. 20։
*44.24 Գլ. խգ. 14։ Հմր. 6։
*44.24 Գլ. խգ. 1։
*44.24 Ծն. ա. 1։ Յոբ թ. 8։ Սաղ. ճդ. 2։ Գլ. խ. 22։ խբ. 5։ խե. 12։ ծա. 13։ Երեմ. ժ. 12։
*44.25 Երեմ. ծ. 36։
*44.25 Գլ. խէ. 13։
*44.25 ա Կոր. ա. 20։
*44.26 Զաք. ա. 6։
*44.27 Տես Երեմ. ծ. 38։ ծա. 32, 36։
*44.28 բ Մն. լզ. 22, 23։ Եզր. ա. 1 ևլն։ Գլ. խե. 13։